مسفر الدوسري:
أوَّل أَوَخِّر جثتي·· عن الطريق··
واحضن قاتلي/ صوتي··
وازغرد بموتي!
واقول:
ياللي ماتتبعَني·· بِعْني··
للريح··
ولاتسمعَني·
واقول:
دوَّرت بأيامي·· ليله
بحجم احلامي··
أرجع ظامي!!
هالوقت هذا··
مو مَقَاسي·· قاسي
بعْتْ الحلم بقيمة·· خبزه
ردَّيت الباقي·· من راسي!
صوت مايشبهني·· نَبَّهْني
قال لي:
قايض بالفايض·· من حزنك
تكسِب وَزْنِك··
في هالغابه!
شِفْت بعيني·· دَمّي بْنابه·
واقول:
تدْرُون من يشْبَهنا·· فينا؟!
واحد·· مايشْبَهنا بشيّ!!
واقول:
الفرحه صْغيره
والبسمه··
ماتاخذ أكثر من واحد·· جاحد!!
صوت مايشبهَني·· نبّهني
قال لي:
بادِل بالدنيا·· وجه امك
تنسى همِّك
قايض بالفايض·· من حبك
تكسب دربك·
وانت اختار!
شفت بعينه·· حلم النار!
وأقول:
باقي من أحبابي·· بابي
و·· صوت مايشبهني!!
mosfer@taleea.com