عبد المحسن محمد حمد المشاري
جتك القصيد يالمعاق يا ابن الوطن
ياكل القصيد أنت وفوقه قصيده
يا بطل أنت وبيت الأبطال ميزان
ما أبالغ في شعري لولك أزيده
كلامك نغم قلبك لحن روحك أوطان
يعجز التعبير عنك لوهم أعيده
لا نطق فمك كأنه نكهة الرمان
مثلك قليل بالكلام وصعبه يجيده
وبطيبتك للغير ما خليت له حرمان
عتري أصيل عطاياكم عديده
فقير غني مسكين أو أي كان
لو يبي حاجه فوق حاجته تزيده
داون لا نخيته قالك تم يا فلان
مثل المطر ماله غني عن رعيده
كل يحترمه وفي كل الأحيان
واللي يتعدى حدوده ليلته عصيده
ويشهد الله لك عندي قدر وشان
ومن يغليك اغليه ما أضر والله أفيده
وأنا الصديق اللي فيك ماني بخسران
وأتشرف لو قالوا لي المعاق جاك بيده