المد.. لكْ

والجزْر.. لكْ

كل الجهات الأربعه

                  بدروبــــها.. تاخــــــذني لكْ

و.. لو المحامل شرّقتْ أو غرّبتْ

- في لحظه ضيّعها الزمن -

                  دارت بدورات الفـــــــــلكْ..

ملزوم أنا أمشي الوفا

عكس الهوا..

وارمي بروحي..

                  وأوصــــلــــــــــــــــــــــكْ

وإن غبت.. وإلاّ غيّبك

سرب الضباب المعتلي..

صدري بعطرك يمتلي

وطيفك بعيني أرسمه

والمس ملامح دنيتك بأعلى سما..

                  واتـــخــــيّــــــــــــــــــلـكْ

عطِّشْني في صحرا الظما..

بَخْلِقْ من الذكرى مطر..

                  وارْسِمْ بقلبي منـــــــــهلكْ..

أمِّلني في نْجوم السما..

لا وين ياخذوني السهر..

                  صدِّقني ما يوم أســــألك!

بس لا يحزّ بخاطرك

سيف الندم..

واحساس ذنبْ.. وأي ألم

                  الله - يـ عمري – محلّلك

* * *

شنهو اللي ياخذني.. واحنْ؟!

وأتبع ينابيع اللحنْ؟!

ونا اللي مبحر فـ السفر.. لآخر مدى

أسمع بخفّاقي.. صدى

كل ما لمع برق وبدا.. بمتن السحابة وانغَرسْ

كل ما بجى بقلبي الطفل

كل ما حبا بصدري الشقا

كل ما انزلتْ دمعة ندى

بخد الورود الصابره.. ببرد الفجر!

واطوي شراعي.. وانثني

                  يــــــــــــم مـنــــــــــــزلكْ

ومنهو اللي - لو مرّه – جسا

قلبه.. مع الدنيا ونسى

                  يقــــــدر يفارق مَحـْملك؟!

وضّاح

 wadhah213@hotmail.com