فيه جـريمه اسمـــها بيــع البـلــد

                                    في شــمال ديارنا قــرب الحــدود

وفيه جريمه: الملـف فيها انفــقـد

                                    وثالثة انحفظت لأجل هامورْ عــود

و"ناقــلات النفـط" مـ انْحلَّتْ بعــد

                                    چنـه الجانــي أبــد ما له وجــود؟!

يا ميلِس ياخـــوك يا عــز وســـند

                                    فتّش البصمات وابذل في الجهود

وإن بغيت العون.. إبشر بالســعد

                                    الشعب كل الشعب عندك شـهود

بـــس كـثِّـــر بالعــتاد وبالــعــــدد

                                    ربْعنا خطــرين يا نــســل الفــهود

يخـطــفون البرق من قبل الرعــد

                                    يسرقون الكحل من عيـن العــنود

جرُّهم.. تكفا.. بـ "حبلٍ من مسد"

                                    خل شمس الحق للسـاحه تعـود

ومـدِّد المـهــله… اذا زرت البلـــد

                                    وإلاّ إقـعــد عندنا سنـتــين.. زود!

وضّاح

wadhah213@hotmail.com