لا تغــــامر·· وأنتَ ما بيدك ورق

تستقيل أبرك·· على اللّه تستقيل

صوتْ صوتين وثلاثه·· ما فـــرَق

ما فزع لك غير جذّاب وهـــزيل

"الثقه" مثل الورق وإذا احتـــرق

بــــس يخلّي لك رماد المستحيل

يا وزير المال·· كل شي انسـرق

وانت قاعـــــد لا تحط ولا تشيل

الجسد معلول ينضح بالعـــــرق

عالجــــوه وقصوا العضو العليل

ما يخاف من البلل شخصٍ غرق

سبتـــه كل الحكـــومــــة تستقيل

وضّاح

wadhah@taleea.com