تِكتَّلْ يا “عمل شعبي”·· تكتّلْ·· هالبلد غرقان

                              وطالب في قضايانا وخلْنا نشوف تاليها!

واذا ما ينصلح حالٍ لها أو ينعدل ميزان

                              عليهم اقلب الدنيا بعاليها وواطيها

و”علّ الصوت” بالمجلس فداك اللاش والصمخان

                              فداك اللي انحبس صوته وعنده اسرار مخفيها

ألا لا رِحْم ابو عضوٍ رضى بالذل والخذلان

                              رضى في ديرته ذيابه تجوّل في مفاليها

سمعنا عن “هليبرتون” (·· وباقوا حتى لمريكان!)

                              لأن اللي سَلَمْ مرّة يرد غيره يثنيها

“تِعَلّي الصوتْ”·· علّ الصوتْ وخلّه يوصل “الخيران”!

                              وردّد كلمتك مرات: “حاميها حراميها”!

وضاح

wadhah@taleea.com