كل ما يقوى حنيني··· أتعلاّ وارْفَعَه

لين صار اسهيل جاره·· والجَدي في ثاني بيت

والقمر علَّق انجومه في جهاته الأربعه

فيه وصيت النسيم وقلت: إن مَرّه نويت··

اتْهب في ضلوعي، أمانه··· لا تكدِّر مَسْمَعَه!

وشِلْت من وجهي شموسي وقلت: لو اني انعميت

أستدل بنور وجهه في ظلامي·· واتْبعه

والنهر·· يَمّه حَرَفْتَه (من مصَبّه مـ استحيت)

ما عصاني - ألْله خيرْ - وما بَخَلْ في منبعه

ويوم خانتني اعزومي في الدروب اللي مشيت··

أبْعَد الخطوه عليْ وقال: حلْمه ضيَّعَه!

آه يا بِعْد المسافه·· كم تعنيت وعنيت!

ما لقيت إلا المنايا والنوايا امْشَرَّعَه

ان شربت دموع عيني·· قال: توّك مـ ارْتويت!

وان شكيت الجوع·· يضحك: هاك همِّك·· وازْرعه!

الخطا·· اني بنيته فووووق·· والحين ابتليت··

ما قطعني ها الطريق·· ومالي قلبٍ يقْطَعَه!!

وضاح

    wadhah@taleea.com