|
|
|
|
والله هـ الديرة عجيبه
قد ما قلنا: غريبــــة!
المريض اللي تعـذّب
صار يشكي من طبيبــه
ديره چم كانت تباهي
بالحسن، والنور زاهــي
يوم كان البوم ساهـي
ما غشاها في نعيبــــه
اندبي الأيام وارثــي
وانشدي: “وين راح حرثي”؟!
“شمس أمجادي وورثي
منهو غيّبها بـ جليــبه”؟!
كل ما قلنا: لقينـــا
الدوا ما بين ايدينـــــا
زادت العلة علينـــا
والتهينا في مصيبـــــه
يوم خف الحمل الاول
وأقبل الثاني·· وطــــوّل
بقدرة القادر تحــوّل
كلٍ وياخذ نصيبــــــه
مجلس الأمة·· يبونـه
مـ يتكلّم في شجونــــه
يكتفونه·· ويطعنونـه
ويله·· إن علاّ نحيبــــه
من عوايدها المريضة:
الجمل جاهر بـ حيضــه!
وديكها بيّض·· وبيضه··
تارس الديرة العجيبـــة!!
وضاح
wadhah@taleea.com |
|
طباعة |
|
|
|
