|
|
|
|
بردانة
حي المنازل زاهي في ليل
لمصافح النور سفقانة
يضوي هواها كما القنديل
وتسامر نجوم نعسانة
هبت نسايم وريحة هيل
ووجوه سمرا.. تحرانا
وصارت بقلبك تطارد خيل
لا ينكسر ... فك بيبانه!
واحذر توقف بوجه السيل
إن فيض الشوق غدرانه
ما يرضى قلبك عليها ميل
لو كانت النفس زعلانه
وإن شفت مرة وطاها الويل
وإلا شكت ليل "بردانه"
إنقل حطبها .. كثر مـ تشيل
ما يوفي العذر .. ديانه
وإن واعدوها بنجم سهيــل
ثم غيبوا وجه عنوانه
ردها لقلبك ... وسكر حيل
مثل المحارة على الدانه
وضاح
|
|
طباعة |
|
|
|
