أخت الأسير - منى عباس فايز حسن
يمه يا بعد عمري عمرك يا كل الحنين
يمه متى أشوفك وبفرحتي تفرحين؟!
يمه زاد شوقي لعيونك الحلوة آه لو تدرين؟
كل لحظة كل دقيقة كل يوم يمر علي سنين
يمه قولي شلي تغير في ديرة الطيبين؟
من اللي راح من اللي بقى آه لو تقولين!
يمه صبري تراني راجع لو بعد حين
حب الكويت في قلبي لو قطعتني السكاكين
اسم الوطن عالي نفديه بكل الميادين
وأبو مبارك قائدنا ما نبدله بملايين
عمري له فدوه لو قضيته كله سجين
