بنوا جدران من حوله·· فرحنا من لقينا باب

                    نبي ضو الكلام يشع·· لما يمر في بابه

نبيه يقول وش فيها·· اذا عدّوا له “استجواب”

                    يطمّن ها النفوس اللي من اللعبات مرتابه

نبي يكشف فضايحهم·· نصير بوقتها احباب

                    فلوس “المركزي” منهو سحبها لجيب “نوّابه”؟!!

يمينه دامها بيضا·· علامه ساكت ومرتاب؟!

                    لزوم انّه يخيّرهم مـ بين الفضح·· و”كتابه”!

كتاب الاستقالة اللي يوضِّح جملة الأسباب

                    ويحرج من نوى بفعله يحوّل ها البلد غابه

امدحوا كتّاب أفعاله·· وذموا فعلته كتّاب

                    ولا همنا سوى موقفْ شريفٍ·· تلمع ثيابه

واذا ها الناس تحسبها: علاقات وأصل وانساب

                    لك الله يا بلد صامت·· يضيع الحق واصحابه

وضّـــــاح

wadhah@taleea.com