منهو طيّر من ايدينك كل حمامات المعاني
منهو خلا هالأماني صامته بقلبك يتيمه
·· والله ما كنها أماني
ليش ما تطرد ظلامك·· ولا تحرق هالظلام؟
انته يلّلي الصبح يشرق في كلامك
وكل عصافيره اتغنّى·· وين ضيّعت الكلام؟
و"المكان" اللي سكنته·· واهو ساكن في ضلوعك
بدّل حروبك سلام
"المكان"؟·· شلون يتكلم مكان؟
في "مكان" ايفتّح عيون الكتابة في خيالك
وانته تتحول حبر··
وفي "مكان" يقرّب طيور القوافي من يمينك
والله ما تبعد شبر
وفي "مكان" يكسّر أقلامك في عينك
واهو يكتب لك شعر
········
و"المكان" اللي سمعته
البارحه لما لمسته
علق الصمت بجبينك
لحظه·· وتحول شعر
وضاح
Wadhah97@hotmail.com
