على أرض المحل صُبّي سحاباتج·· تفيض انهار

                  ربيعج داخل اضلوعج·· حرام انّج تحبسينه

خَضَارج عاند اكفوفج·· تقصينه·· ويفز امرار

                  يرد ايجدّد اعروقه فـ كل مره تقصّينه

هوى مثل الطفل طاغي وهدّم في العيون جدار

                  دليل انّج تهضّمتي أسى لما بجتْ عينه

يجيني بْخاطره كلمه ويرد ابْخطوته محتار

                  ينادي ويلتفت يمج·· يخاف انج تنادينه

أنا سِيفج·· تعب رملي ويحلم لو تفيض ابحار

                  أظن تالي الصبر يزحف·· يجي يمج تضمينه!

ومـ  دام الورد لا منّك همستي له يَحَفْظ اسرار

                  شذا النوّير لا ذعذع·· طلبتج لا تردينه!

وضّاح

wadhah@taleea.com