يـ حر الصيف··

لا منّه سَرَق برْد الوصل منّك·· وذِبتْ بْشوق لحبابك

يـ ظلم الصيف··

لا منّه جوا ابجمر النوى قلبك·· وعيّا ايرد غيّابك··!

يـ حزن الصيف··

إذا في يوم حبّات العَرَق سالت

مَعَ غيمة أسى فاضت من اهدابك

واذا وَرْد الهوى يذبل بروض الروح وينادي:

(بعد لا وين!

·· وشْموس الهجر فوقي

تهَدِّدْني بْسموم القيظ··

ما تسمعْ! تلاحقني ابْـ "هجيري ضيّع اطيابك"!!)

üüü

هَجَرْنا السِيف··

من راح البحر زعلان

ما يقبل عذر منّا ولا ينوي يراضينا

حلف مرّه بآخر "مَدْ"

ما يرسل بعد موجه يبلِّلْ ها العطش فينا

يقول بيوم·· "لا ردوا"

يرد مثل الطفل ولهان

سجي / طوفان يسري في اراضينا··

üüü

يـ طول الصيف··

اذا عديت أصابع وحدتك وإنته بعز الشمس

تصيح ابْهمس·· ما يدرون أصحابك!

خيالك يرسمك نجمات·· ما حسيت في حالك

بغيبتهم تغيب انته وُهُمْ احضور في بالك

ورا الاحلام غايب محترق حيران

محَّدْ حسّ بغيابك

üüü

يـ برْد الصيف··

لا منّه سرى بزول الحبيب ودَقْ

في لحظه على بابك!!

عرفت اشلون يـ "محمد"·· تغيَّر كل فصول الوقت لا ردّوا

فلا تسأل ربيع الشوق: "في هالصيف·· وش جابك؟؟!"·

 wadhah@taleea.com

وضّـاح