بيتْ في روحي بنيته (بيت من وهْمي بنيتْ)

                  كل ما يقوى حنيني··· أتعلاّ وارْفَعَه

لين صار اسهيل جاره·· والجَدي في ثاني بيت

                  والقمر علَّق انجومه في جهاته الأربعه

فيه وصيت النسيم وقلت: إن مَرّه نويت··

                  اتهب فـ ضلوعي، أمانه··· لا تكدِّر مَسْمَعَه!

وشلت من وجهي شموسي وقلت: لو اني انعميت

                  أستدل بنور وجه في ظلامي·· واتْبعه

والنهر·· يمه حَرَفْتَه (من مصَبَه مـ استحيت)

                  ما عصاني - ألْله خيرْ - وما بَخَلْ في منبعه

ويوم خانتني اعزومي في الدروب اللي مشيت··

                  أبْعَد الخطوه عليْ وقال: حلْمه ضيَّعَه!

آه يا بِعْد المسافه·· كم تعنيت وعنيت!

                  ما لقيت إلا المنايا والنوايا امْشَرَّعَه

ان شربت دموع عيني·· قال: توّك مـ ارْتويت!

                  وان شكيت الجوع·· يضحك: هاك همِّك·· وازْرعه!

الخطا·· اني بنيته فووووق·· والحين ابتليت··

                  ما قطعني ها الطريج·· ومالي قلبٍ يقْطَعَه!!

wadhah@taleea.com

وضّاح