الثقة·· وين الثقة؟؟
أهوَ باقي في بلدنا الماشي في درب المهالك··
وإلاّ باقي في زمنّا العايد إلعصر الممالك··
ذرّه من ذيك الثقة؟
"إطرحوها" دام في المجلس منابر
و"إسحبوها" من شعرها- دام في هالقوع نابر
ليش تتردد·· وتحْسِبْ
ياللي نشّفتْ المحابر
والدلايل في ايدينك·· والأمور اموثّقه!!
الثقه·· ما من ثقه!
"واحد" يشوف الأوادم في سنة ألفين "هيلق"!
"واحد" ايدافع·· وندري كل نواياه ايتحيلق!
و"واحد"···
الثقه·· ماكو ثقه!
"اطرحوها"·· و"اسحبوها"··
ما يهم شيقول عمْها··
ما يهم لو صاح ابوها؟!!
والملايين اللي ضاعت
في دهاليز الوزاره··
إسحبوها
وإسحبوا
معْها الثقه!!
Wadhah97@hotmail.com
وضّـــــاح
