من دخانچ يا "شْعيبه"

            عمانا الشك·· والريبه

            وسحابة "غاز" مرَّتْنا

            بخبر ودْنا بـ تكذيبه

ذبْحة اعيالچ عجيبه!

يا "شْعيبه"··!

            واللي زوّدها عجب!

            لما ــــ مرّه ــــ  أكدوا··

            ولما ــــ  في ساعه - نفوا··

            وصرَّحوا·· بمْيةْ سببْ!

            واطْلعوا كلْهم براءة·· واخْتفوا

            لا مقاول·· لا مديرْ

            لا عضو بمجلس إدارة

            منتفخ حجمه وخطير!

            وبرّأوا منها الوزير

شنهي أسباب المصيبه؟

يا "شْعيبه"·· 

***

            المصيبه في النفوس

            اهْملوها في بلدنا

            وارخصتْ لجل الفلوس!

            وما يفكّر أي وزير

            في معاناة الفقير

صار كل همّه في جيبه

***

            يا شْعيبه··!

            وقِّفي كل المصافي·· دام جوّك لوّّثوه

            والنفوس اللي نْخَبرها والنوايا··

            جوّها ما عاد صافي·· سمّموه

            وانكشف ما كان خافي·· ما نصدِّق لو نفوه!!

ضاع حقچ من يجيبه!

يا "شعيبه"··

***

            "مؤتمر" حق الصحافة!

                        وإلا حق دفْن البلاوي!·· قاطْعوه

            وكلمه من مسؤول خايف

                        صار كل حچيه حزاوي·· كذّبوه!

            وطالبوا بكشف الحقايق

                        من وزير النفط وحْده··

وحاسبوه!!

وضّاح

Wadhah97@hotmai.com