كانت·· لنا أيام حلوه·· جميله

                                    من نورنا ضوّت جميع البلادين

ومن بحرنا النسْمات مرَّتْ عليله

                                    وصارت عليله انفوسنا عام ألفين

صِحْنا ونِحْنا·· وين؟ من نشتكي له؟

                                    لا صار أهلنا عن صدى الصوت لاهين

حنا طفينا سراجنا والفتيله

                                    لين أظلمتْ من عام  76  !

ودْنا نشوف الشمس بأية وسيلة

                                    الليل طال·· ووسّم الجرح بالعين

"صبرٍ جميلْ"·· وخيّم الهم ليله؟!

                                    ونقول: "تُفْرَجْ"·· والجماعه امعيين؟!

اليا سكتنا·· ما لقينا حصيله

                                    واليا حچينا·· صنِّفونا "معادين"!!

طاح الجمَلْ·· وانهد بالدرب حيله

                                    ومن طاح كثْرَتْ في امتونه سكاكين

يا دار·· وين اللي بعد نلتجي له

                                    حمْلٍ ثچيلٍ·· ما تشيله بعارين!

وضّاح

wadhah@taleea.com