- شغّل "الآلة" الصغيره··

إللي مزروعه فـي  راسك!

إحنا هم أهلك وناسك

مجتمع مسلم·· مسالم

·         شنهو تقصد؟

- قصدي·· لا تهدم أساسك

تقطع اجذورن عتيجه

وينكسر في ليل فاسك!

·         شنهو يعني··؟!

- يعني سمّعنا كلامك··

حتى لو فيه اختلاف

في البلد أكبر مساحة··

لا تخاف ولا نخاف

قول رايك··!

والفكر وجهة نظر··

بس لا تشوِّه نظرنا

خفّف اشويه حماسك!

·         والخطا·· منهو يرده؟!

- يعني لو تاخذ وتعطي··

 والفكر أخذ وعطا

ومنهو معصوم الخطا!؟

·         "الخطا؟" الخطا·· عندي خطايا

والخطايا·· من الكباير

وللخطايا ألف منكر·· لازم انغيّره بدينا

- وانته مو منزّل علينا

الله الحامي لدينه

وفي البلد حكم ومحاكم

وإلاّ صار الأمر فوضى

في شوارع كل مدينه

ويمتلي بالمر كاسك!

·         ما فهمتك!

- خفّف اشويه حماسك!

إحنا هم أهلك وناسك··

مجتمع مسلم مسالم

·         انته حالم··

للهدف تمشي خطاوي

وأنا عندي للمعاصي وردعها·· درزن فتاوي

- وأنا والله ما فهمتك؟

بس أقول لك

شغّل "الآلة" فـي  راسك!

تكفى·· لا تهدم أساسك

تقطع اجذورن عتيجه

وينكسر في ليل فاسك!!

وضّاح

wadhah@taleea.com