البارحـــه يا مَطـــوّل المشـــوار
ليما الفجر·· ما غمّضتْ عيني
أتْذكـــــرك يا نجــــمة السُـــمّار
وأحـــس باطيافـــك تناديني
وأشوف نورك كم ضوا في الدار
وجهك على الغــربة يواسيني
أتذكّـر أيامــــك تهـــل أمـــطار
والمزن يغشا كل بســـاتينـي
أيـــام كانـــت بــيننا أســــرار
كل الخـــلايق ما درت فيـني
نزعل ونرضى كالعيال اصـغار
وتعود بأحضانك تراضــيني
اليوم أشوفك قاطـــع الاخــبار
أيــام مرّت·· ما تحاجـــيني
الله وكبر··وش جرى وشصار؟
كل الخــــلايق بيــنك وبيني
بالقلب حافظ لك حكي واشعـار
بقولها لك·· يا نظر عيني!!
