آخر سنة·· وأقول لعيون الأحلام

            آخر سنة وتضيع كل الأماني

العام·· ما فكرت بغيابك العام

            واليوم·· غنت للرحيل المواني

خلاص موتي في مكانك بالاقدام

            لا طلت شمس ولا النهار احتراني

يصحي بعيني أربع سنين وينام

            ولا جيتله·· ضاع الكلام وعصاني

ضحيت عمري بين خوفي والأوهام

            حتى غدا حلم السنين بثواني

أنا السبب باللي جرالي من أحكام

            استاهل اللي صار كله عشاني

آخر سنة هذي والأيام قدام

            قدري وش اللي طلت غير الأماني

موسى المطيري