بعيد ولا نسيت اللي نسوني

            بكيت جروح وجروحي بكوني

أهيم بصمت وآهات وأماني

            يضيع العمر وحقوقي ولوني

نسيت الصوت وأفراح الليالي

            وأشوف الظلم والظلمة بلوني

شكيت البرد والبعد وهجيره

            وشيب هاجس الذكرى عيوني

ضياعي·· العنا·· الضيم غصني

            عذاب الجرح والونه لحوني

تناهيت الوله لرضي تجدد

            ولا أقدرها حدايدها حدوني

ولا مني ذكرت سنين فاتت

            ووجه أمي وحال أمي بدوني

أموت من القهر وأحيا بعبره

            ضنوني ليت ما خابت ضنوني

الاوين العرب يا بن العروبة

            وشعارات عظيمة علموني

عرب أسرى ولكن وين أسرى

            سؤالي صح؟ غلطة؟ جاوبوني

أنا أدري سؤالي كان محرج

            ولكن وضعي أحرج سامحوني

ثمان سنين عايش دون فرحة

            غياهب حزن - فرقا يرعبوني

وأنادي كويتنا شوق ومحبة

            وأبشرها تفاخر بي طعوني

رسالة للملا مني خذيها

            أبيهم يسمعون ويفهموني

إذا أسرى ضريبة حب أرضي

            فداها العمر وحقوقي ولوني

نايف هايف العجمي