أحاسيس جميلة من قلم جميل···

قوافي سلي حروفي دروب الشوق مجنونه

            ابكتب ماضي الوقت واقرب خاطره مني

شتات واجمع أوراقه ودمعة عين مغبونه

            تسايل صبرها يحكي على خد الورق فني

أداري خاطر المعنى وأشوف الدمع بعيونه

            تأثرت وبكتب عيني علي دمع بكى عني

وكن روحي على كفون الفراق اليوم مرهونه

            بكيت وتسمع أصوات الدموع ضلوع لفنى

على يبكي جبل "سلمى" دغيم الكون وامزونه

            وزهر "تذبل عطوره وينبت شوك متمنى

تقل بيني وبين الحب سحابه خوف ملونه

            عليها ترجف كلمه وفيها الشوق يسكني

أمنّي خافقي ليته يحس الليل بطعونه

            وليته يعرف الليل بدروبه وين ودني

سلام إن كان لي عين بدين أحباب مسجونه

            كلام العين ما يخفيه كذب الصمت لا حنّى

حمود المغري