قادم جميل بعد طول غياب··· فأهلا به

أنت الوحيدة داخلي يا وحيده

            قلبي رقص فرحه وغنا شجونه

أنت دموع من عيوني عنيده

            لا ما تبي تكشف دموع تخونه

نور القمر غنى قوافي القصيده

            نور القمر لاجلك عزف كل لحونه

داجت نجوم حول نجمك جديده

            تبغى الرضا من حضرتك يا حنونه

صار القمر لك مثل نجم تريده

            تعطيه من نورك ونوّر بلونه

يا طفلة لها الدلع جانشيده

            طفله وقلبي لج منها جنونه

يا طفلتي والله تراك الوحيده

            أنت سمر نور القمر يا فتونه

عبدالله ابن شرفان